skip to main | skip to sidebar

"மடத்துவாசல் பிள்ளையாரடி"

"கழிந்த நிகழ்வுகளும் கழியாத நினைவுகளும்"

Pages

  • Home

Monday, June 22, 2009

ஆயிரம் பெரியார் வந்தாலும் உங்களை.....

எண்பதுகளில் ஒரு சனிக்கிழமை நாள்.
"பூபாலசிங்கம் மாமா வீட்டார் அம்மன் கோயிலடியில் மடை வச்சிருக்கினமாம், போட்டு வெள்ளன வா" அம்மா காலையிலேயே விண்ணப்பம் வைத்தார். கொடியில் காயப்போட்ட காற்சட்டையை மாற்றிவிட்டு தோதாக சேர்ட் ஒண்டையும் மேலே போட்டு, ஒரு காலால் மோட்டச்சைக்கிளை உதைத்து இயக்கும் பாவனை கொடுத்து வாயில் சவுண்ட் விட்டுக் கொண்டே ஓடுகிறேன் சிவகாமி அம்மன் கோயிலடிக்கு. வழமையா கோயில் திருவிழாக் காலத்தில் தானே இவையின்ர பூசை வாறது, இண்டைக்கென்ன புதுசா மடை என்று மேலே கேள்வி ஓடிக்கொண்டிருக்க கால்கள் அம்மன் கோயிலடியை எட்டுகிறது.

அம்மன் கோயிலடிக்கு பின்புறம் இருக்கும் வைரவரடியில் தான் மாமி ஆட்கள் நிக்கினம். நேரே அங்கே ஓடிப் போய் மோட்டாச் சைக்கிளை நிப்பாட்டுமாற் போல நிக்கிறன். வைரவர் கோயிலின் சுற்றிலே ஒரு பிரகார தெய்வத்துக்கு முன்னால் மடை இருக்குது. என்னது மடை எண்டு பேந்தப் பேந்த முழிக்காதேங்கோ, சாமிக்குப் படைக்கும் படையலை மடை எண்டும் சொல்லுவினம்.
இதென்ன கொடுமையடா சுவாமிக்குப் படைச்சிருக்கிற சாமானைப் பாருங்கோ, சக்கரைப் பொங்கல், வடை, முறுக்குக்குப் பதிலா கோழி இறைச்சி சட்டியிலும், ஆட்டுக்கறி இன்னொரு சருவச்சட்டியிலும் இருக்குது, இது போதாதெண்டு மீன் பொரியல் கூட. நடுவில வாழையிலையில் குத்தரிசி அப்பாவியாகக் குவிக்கப்பட்டிருக்குது. கோயிலடிக்கு வழக்கமா வாற ஐயர் வரேல்ல, வேறு ஒரு ஐயர் வந்து தான் மந்திரம் சொல்லி கற்பூரதீபத்தை சுவாமிக்கும் காட்டி, சுத்தவர இருந்த மச்சச் சாப்பாடுகளுக்கும் காட்டினார்.
சுவாமிக்கும் மச்சம் (அசைவம்) ஆராவது படைப்பினமோ? கண்ணப்பன் எண்ட வேடுவன் படைச்ச கதை கேள்விப்பட்டிருக்கிறன் ஆனா நாங்கள் ஒரு வீட்டில செத்தவீடு நடந்தாலோ, பெண்டுகள் பெரிய பிள்ளை ஆனாலோ கூட கோயில் வாசற்படியை மிதிக்க விடமாட்டோம் முப்பது நாளைக்கு, தெரியாமல் முட்டை போட்டுச் செஞ்ச பிஸ்கட்டைச் சாப்பிட்டாலே கோயில் படி ஏற விட மாட்டா எங்கட அம்மா. இதென்னப்பா ஒரே மாமிசப்படையலா இருக்கு என்று எனக்குள் முளைத்த கேள்விகளுக்கு அப்போது பதில் சொல்ல யாரும் இல்லை. அதுதான் நான் முதலும் கடைசியுமாகப் பார்த்த வேள்வி.

யாழ்ப்பாணத்தில் இருந்தபோது போர்ச்சூழல் ஓரளவு சமூக மாற்றத்தையும் ஏற்படுத்தி விட்டது. தனியே இனவிடுதலை என்றில்லாமல் சமூக பொருளாதார விடுதலையாக அது மாறி இருபது வருஷத்துக்கு மேலாக நின்று நிலைத்ததைக் கண்ணால் கண்டிருக்கிறேன். செத்த ஓணானைப் போட்டுக் கசிப்புக் காய்ச்சுவதில் இருந்து, வேள்வி என்று சொல்லப்படும் உயிர்களைப் பலியெடுத்தலும் ஓய்ந்து போனதென்று தான் நினைத்திருந்தேன்.


ஆனால் "அண்ணன் எப்போ சாவான் திண்ணை எப்போ காலியாகும்" என்று காத்திருந்த தம்பிகள் ஆரம்பித்து விட்டார்கள் தங்கள் பிற்போக்குத் தனத்தை. அண்மையில் யாழ்ப்பாணம் கீரிமலைக்குப் போகும் வழியில் இருக்கும் காட்டு வைரவர் கோயிலான கவுனாவத்தை வைரவர் கோயிலில் அமர்க்களமாக நடந்தேறியிருக்கிறது ஆடுகளைக் கூட்டி வந்து உயிரோடு பலியெடுக்கும் நிகழ்வு.

சாதியம் சொல்லி கோயில் கிணற்றிலேயே தண்ணி அள்ள விடாமல் தடுக்கும் சமூகம், ஆராவது கோயில் படி மிதிச்சால் காலை முறிச்சுப் போடுவோம் என்று ஒரு பகுதி மக்களை தீட்டு என்று ஒதுக்கி வைத்த சமூகம், மூட நம்பிக்கையிலும் தாம் சளைத்தவர்கள் இல்லை என்று மீண்டும் நிரூபித்திருக்கின்றார்கள். இனி மெல்ல மெல்ல எல்லாம் விட்டதில் இருந்து தொடங்கும். சாதீயத்திமிரும், பிற்போக்குத் தனமும் கொண்ட எம் சமூகத்துக்குப் படிப்பினைகள் போதாது போல.

சைவபோசணியாக இருப்பதோ, அல்லது அசைவ போசணியாக இருப்பதோ அவரவர் உரிமை, அதைத் தடுக்க யாருக்கும் உரிமை இல்லை. ஆனால் இதெல்லாம் தெய்வத்துக்குச் செய்யும் காரியங்கள், இதை எதிர்த்தால் சாமி கண்ணைக் குத்திப் போடும் என்றெல்லாம் வறட்டு சாக்குகளைச் சொல்லும் சமூகமும் இருக்கத் தான் செய்கின்றது. சாவகச்சேரியிலும், வவுனியாவிலும், மன்னாரிலும் ஐடிபி தடுப்பு முகாம்களில் அடைபட்டிருக்கும் லட்சக்கணக்கான எம் உறவுகள் தான் இந்தப் பலியாடுகளின் உருவில் தெரிகின்றார்கள். இப்படியான பிற்போக்குத் தனமான சமூகத்துக்கா இத்தனை ஆயிரம் இளைஞர்கள் தம்மைக் காவு கொடுத்து விடுதலை பெறத் தம்மை மாய்த்தார்கள்?

முருகனுக்கு ரெண்டு வைப் என்று சொல்லி இரண்டு தேடுபவர்களுக்கும், கண்ணனுக்கு நிறைய என்று நிறைய தேடுபவர்களுக்கும், கண்ணப்பனும் மாமிசம் தானே படைத்தான் என்பவர்களுக்கும் செய்யும் பாவங்களுக்கு நிறைய ஜாமீன்கள் இருக்கின்றன.
என்னவோ போங்கள் ஆயிரம் பெரியார்/பிரபாகரன் வந்தாலும் உங்களைத் திருத்த முடியாதுடா.

படங்கள் நன்றி: யாழில் இருந்து நண்பர்
Posted by கானா பிரபா at 7:59 PM Email This BlogThis! Share to Twitter Share to Facebook

27 comments:

ஆயில்யன் said...

:(((

June 22, 2009 8:44 PM
ஆயில்யன் said...

//சாவகச்சேரியிலும், வவுனியாவிலும், மன்னாரிலும் ஐடிபி தடுப்பு முகாம்களில் அடைபட்டிருக்கும் லட்சக்கணக்கான எம் உறவுகள் தான் இந்தப் பலியாடுகளின் உருவில் தெரிகின்றார்கள்.//

உறவுகள் தங்கள் மற்ற உறவுகளின் நிலை, பிரிவுகள் என எதையுமே சிந்திக்காது நிகழ்த்தும் இது போன்ற காரியங்களை இறை பெயரில் செய்வதை ஒரு போதும் இறைவன் ஏற்றுக்கொள்வது் இல்லை !

அவலமான செய்தி :(

June 22, 2009 8:47 PM
துபாய் ராஜா said...

"ஒரு காலால் மோட்டச்சைக்கிளை உதைத்து இயக்கும் பாவனை கொடுத்து வாயில் சவுண்ட் விட்டுக் கொண்டே ஓடுகிறேன்"

கண்ணில் விரியுது காட்சி. நாங்கெல்லாம் கார்,கப்பல்,பிளேனுன்னு என்னெல்லாமோ ஓட்டியிருக்கோம்.

June 22, 2009 9:30 PM
நிஜமா நல்லவன் said...

:(

June 22, 2009 9:31 PM
வாசுகி said...

பலிகொடுத்தல் பற்றி புத்தகங்களில் படித்திருக்கிறேனே தவிர நேரில் கண்டது இல்லை.
இப்போதும் இது போன்ற காரியங்களில் ஈடுபடுகிறார்கள்
என்ற தகவல் எனக்கு அதிர்ச்சியாக தான் இருக்கிறது.
நாம் எவ்வளவு படித்தாலும் திருந்த மாட்டோம் போல.

// போர்ச்சூழல் ஓரளவு சமூக மாற்றத்தையும் ஏற்படுத்தி விட்டது. //
இவ்வளவு காலமும் பயத்தில் அடங்கி இருந்திருப்பார்கள்.
இப்ப கிளம்பிட்டாங்க.

//இப்படியான பிற்போக்குத் தனமான சமூகத்துக்கா இத்தனை ஆயிரம் இளைஞர்கள் தம்மைக் காவு கொடுத்து விடுதலை பெறத் தம்மை மாய்த்தார்கள்?//
நானும் பல தடவை இப்படி நினைத்திருக்கிறேன்.
பிற்போக்குத்தனம் மட்டுமல்ல இன்னும் நிறைய.

:((((((

June 22, 2009 10:35 PM
கானா பிரபா said...

வருகைக்கு நன்றி ஆயில்யன் மற்றும், நிஜமா நல்லவன்

June 22, 2009 10:46 PM
கானா பிரபா said...

துபாய் ராஜா said...
கண்ணில் விரியுது காட்சி. நாங்கெல்லாம் கார்,கப்பல்,பிளேனுன்னு என்னெல்லாமோ ஓட்டியிருக்கோம்//

அதையும் ஓட்டியிருக்கோமே பாஸ் :)

June 22, 2009 10:47 PM
Anonymous said...

உங்கள் விமர்சனம் ஆடு பலியிடுதலுக்கு மட்டும் தானா அல்லது கடவுள்-மதம் சம்பந்தப்பட்ட எல்லாவிதமான சடங்குகளுக்கும் சேர்த்தா?

June 22, 2009 11:15 PM
கோபிநாத் said...

இந்த மாதிரி படையல் சின்ன வயசுல சொந்த ஊரில் கண்டது உண்டு.

போன வருடம் ஊருக்கு சொன்ற போது குலதெய்வம் கோவிலுக்கு சொன்றேன் அங்க அப்போது யாரோ ஒரு குடும்பம் இந்த மாதிரி படையல் போட்டுக்கிட்டு இருந்தாங்க....இன்னும் அதெல்லாம் இருக்கு.

June 22, 2009 11:44 PM
மொழிவளன் said...

தற்போதைய நிகழ்வுகள் உங்களை எந்தளவிற்கு நோகவைத்துள்ளது, என்பதை தெளிவுப்படுத்துகிறது உங்கள் பதிவு.

விரக்தியுடன் கோபமும் வெளிப்படுகின்றது.

என்ன சொல்வதென்று தெரியவில்லை.

June 23, 2009 3:16 AM
கோவி.கண்ணன் said...

:)

பிரபா நல்ல இருக்கு 'பலி' விமர்சனம்.

அவங்க ஆட்டை யாருன்னு நெனச்சு வெட்டுறாகளோ அவங்களுக்குத் தான் தெரியும்.

June 23, 2009 10:40 AM
வந்தியத்தேவன் said...

50களின் ஆரம்பத்தில் வதிரி என்னும் கிராமத்திலுள்ள அண்ணமார் கோவிலில் நடைபெற்ற ஆடு பலியிடுதலை அவ்வூரைச் சேர்ந்த சைவப்பெரியார் சூரன் என்பவர் பலிபீடத்தில் தன் தலையை வைத்து ஆட்டை வெட்டுவதற்க்கு முன்னர் தன் தலையை வெட்டுங்கள் எனக் குரல் கொடுத்து அந்த ஊரில் பலியிடுதலை நிறுத்திவைத்தார், அதன் பின்னர் அந்த அண்ணமார் கோவில் பிள்ளையார் கோவிலாக மாறியது.

இந்த நிகழ்வுகள் பற்றி பேராசிரியர் கா.சிவத்தம்பி பல இடங்களில் எழுதியிருக்கிறார்.

நம்ம ஈழத்து முற்றத்தில் வேள்வி/மடை பற்றி ஒரு சிறப்பு பதிவு போடலாமே!!

June 23, 2009 1:27 PM
சந்தனமுல்லை said...

:((

June 23, 2009 1:43 PM
Anonymous said...

நடுவில வாழையிலையில் குத்தரிசி அப்பாவியாகக் குவிக்கப்பட்டிருக்குது.

:-) Wonderful wordings

June 23, 2009 1:56 PM
மாதேவி said...

அறியாமையால் நடக்கும் கொடூரம்.

பலிகொடுத்தல் கேள்விப்பட்டதுண்டு. பார்ப்பதற்கு துணிவு இல்லை.

June 23, 2009 2:02 PM
சந்தனமுல்லை said...

:((

June 23, 2009 3:12 PM
கிடுகுவேலி said...

ஆயிரம் கருத்துகள் சொன்னாலும், எனக்கும் உங்களோடு உடன்பாடே. இறைச்சி உண்ணலாம். அதுக்கு இப்படி செய்து உண்ண வேண்டும் என்று இல்லை; கடைசி வருடம் இவ்வளவு நெருக்கடிக்குள்ளும் கவுணாவத்தை வேள்வியில் காலை வெட்டிய ஆட்டு இறைச்சி மாலை எவ்வளவோ காசு செல்வளித்து கொழும்பு கொண்டு வந்து இரவு உண்டு மகிழ்ந்தார்கள். இதில் என்ன சொல்வதே என்றே தெரியவில்லை...! ஆனால் நான் உங்களுடன் உடன்படுகிறேன்...!

June 23, 2009 6:36 PM
கானா பிரபா said...

வணக்கம் வாசுகி

இனி மெல்ல மெல்ல எல்லாப் பிற்போக்குகளும் முன்னால் வரப்போகுது போல

//Anonymous said...

உங்கள் விமர்சனம் ஆடு பலியிடுதலுக்கு மட்டும் தானா அல்லது கடவுள்-மதம் சம்பந்தப்பட்ட எல்லாவிதமான சடங்குகளுக்கும் சேர்த்தா?//

ஆடு பலியிடுதல் மட்டுமல்ல ஆயிரக்கணக்கில் பசியால் வெந்து கொண்டிருக்கையில் ஆயிரம் லீட்டர் பாலாபிஷேகம் செய்வதிலும் உடன்பாடில்லை நண்பா


//கோபிநாத் said...

இந்த மாதிரி படையல் சின்ன வயசுல சொந்த ஊரில் கண்டது உண்டு. //

வருகைக்கு நன்றி தல

June 23, 2009 9:30 PM
Anonymous said...

தமது வளத்திற்கு உட்பட்டவகையில் தமது விருப்பிற்கு உட்பட்ட கடவுளோடு நெருங்கும் செயற்பாடாக இது பார்க்கப்படுகிறது. கடவுளை இப்படி வணங்கென யார் அதிகாரம் இடமுடியும்? ஆதித்தமிழனின் வழிபாடு இதுதானே.. பின்பன்றோ வழிபடுமுறைகளை மாற்றினார்கள் பின்வந்த ஆரியர்?

பொங்கலையும் மனுசன் தின்றான். ஆட்டு இறைச்சியையும் மனுசன் தின்றான். பொங்களை இறைக்கு படைக்கலாம். ஆட்டு இறைச்சியை படைக்க கூடாதென்பது என்ன வாதம்?

விளிம்பு மனிதர்களின் விருப்புக்களில் செல்வாக்குச் செலுத்த நினைக்கிற உயர்குடி எண்ணப்பாடாக உங்கள் கருத்து நோக்கப்படலாம்.

June 23, 2009 9:31 PM
கானா பிரபா said...

//மொழிவளன் said...

தற்போதைய நிகழ்வுகள் உங்களை எந்தளவிற்கு நோகவைத்துள்ளது, என்பதை தெளிவுப்படுத்துகிறது உங்கள் பதிவு.//

வணக்கம் நண்பா

இந்த மாற்றங்கள் மூலம் எப்படியானதொரு மோசமான உலகுக்கு நம் சமுதாயம் போகின்றது என்ற கவலையும் வருகின்றதல்லவா.

//கோவி.கண்ணன் said...


அவங்க ஆட்டை யாருன்னு நெனச்சு வெட்டுறாகளோ அவங்களுக்குத் தான் தெரியும்.//

வாங்க கோவிக்கண்ணன்

ஆட்டை வீட்டை கூட்டிப்போய் வெட்டலாமே :)


வணக்கம் வந்தி

பலியிடுதல் ஆரம்பத்தில் இருந்த சடங்கு என்றாலும், காலமாற்றங்களுக்கு ஏற்ப இவை ஒதுக்கப்படவேண்டும் என்ற நிலைப்பாடு உண்டு. பதிவு போடுவோம்.

June 23, 2009 9:43 PM
rapp said...

இதை எதுக்கு பண்றாங்கன்னு புரியவே மாட்டேங்குது. எடுத்துச் சொன்ன புத்தரையும் சாமியாக்கிடற ஊரு, வெளக்குன பெரியாரை திட்டற ஊரு, என்ன பண்றது?அவ்வ்வ்வ்வ்வ்வ்வ்வ்வ்..........

June 23, 2009 10:44 PM
ரங்குடு said...

இதெல்லாம் பெரியாரின் சீட கோடிகளிடம் கேட்டுப் பாருங்கள். பார்ப்பான் செய்த சதி என்று சாதிப்பார்கள்.

June 24, 2009 10:17 AM
கானா பிரபா said...

வருகைக்கு நன்றி சந்தனமுல்லை, அனாமோதய நண்பர், மாதேவி, கதியால் மற்றும் ராப்

ஒத்த சிந்தனையோடு நீங்கள் இருப்பது குறித்து மகிழ்ச்சியடைகிறேன்.

// Anonymous said...

தமது வளத்திற்கு உட்பட்டவகையில் தமது விருப்பிற்கு உட்பட்ட கடவுளோடு நெருங்கும் செயற்பாடாக இது பார்க்கப்படுகிறது. கடவுளை இப்படி வணங்கென யார் அதிகாரம் இடமுடியும்? ஆதித்தமிழனின் வழிபாடு இதுதானே.. //

வணக்கம் நண்பரே

இன்றைய காலகட்டத்தில் பொங்கல் பொங்கி மடை வைப்பதை விட 800 ஆடுகளைப் பலியிடுவது வளத்துக்குட்பட்ட விடயமா?

ஆதியில் காளிக்குப் பச்சிளம் பாலகனையோ, கன்னிப்பெண்ணையோ பலிகொடுத்ததைக் கூட ஆதி வழக்கம் என்று தொடரலாமா என்பதே என் கேள்வி. அசைவ பட்சணிகளாக யாரும் இருக்கலாம் அது அவரவர் உரிமை, ஆனால் கோயிலை வைத்துக் கொண்டு இப்படியான மூடச் சம்பிரதாயங்களை இன்னும் தொடரவேண்டுமா.

June 24, 2009 8:11 PM
Sanjai Gandhi said...

:(

July 05, 2009 1:14 AM
Anonymous said...

Your view on our cultural idiotic tradition is appreciated. However, during the so called last war of Tamil Eelam, I phoned my family and wanted to know how the situation is in Jaffna; because our heros and vanni people are beeing battered; The answer was "oh yeh, there are many weddings to attend and our inuvil kanthan's festival is comming along too;
What can I say!

Regards,

Pissed off Tamilan

July 08, 2009 7:45 AM
கரவெட்டியான்,கனடா said...

இந்த வேள்வியின் குருதிமயமான படங்களைப்பார்த்து உறைந்துபோனேன்.'80களின் தொடக்கத்தில் வேள்விக்குத் தயாராக நின்ற ஆடுகளை பருத்தித்துறை- தம்பசிட்டியில் ஒரு கோயில் முன்றலிற் பார்த்திருக்கின்றேன்.

சில நூற்றாண்டுகளுக்கு முன வட ஐரோப்பிய Viking பூர்வகுடிகள் கப்பல் வெள்ளோட்டத்தின்போது மனிதனையே பலிகொடுத்துவந்தன்ர். கால ஓட்டத்தில் இணைந்து அந்தச் சடங்கு இப்போது ஒரு Champagne/Sparkling Wine போத்தல் உடைத்தலோடு முடிந்துவிடுகின்றது. பெரும்பாலான பூர்வ குடிகள் நரபலியில் ஈடுபட்டவைதாம்.
(பிரபா,Mel Gibsonஇன் Apocalypto பார்த்திருப்பீர்கள்)
இன்னமும் ஆதிகாலத்துச் சடங்குகளைக் கட்டியழுதுகொண்டிருக்கவில்லை அவர்கள். நியாயப்படுத்தமுடியாத கொடூரச்செயலிந்த வேள்வி.

தமிழ்நாட்டிற்கூட விலங்குகள் பலியிடப்படுவது தடைசெய்யப்பட்டபோது வரிந்துகட்டிகொண்டு எதிர்த்தவர்களிற் பலர் முற்போக்குவாதிகள் என்று தம்மைச் சொல்லிக்கொள்வோர்.

பெரியார் சூரன் அவர்களை நினவுகூர்ந்தமைக்கு நன்றி வந்தியத்தேவன்.

July 16, 2009 12:32 PM
Anonymous said...

Namathangam has left a new comment

Savam thinnum Savamkal.

October 23, 2009 7:30 PM

Post a Comment

Newer Post Older Post Home

About Me

My Photo
கானா பிரபா
ஈழத்தினைப் பிரிந்த நாள் முதல் முகவரி இழந்த மனிதர்களில் நானும் ஒருவன்
View my complete profile

Blog Archive

  • ►  2023 (3)
    • ►  March 2023 (1)
    • ►  February 2023 (1)
    • ►  January 2023 (1)
  • ►  2022 (25)
    • ►  December 2022 (2)
    • ►  November 2022 (2)
    • ►  October 2022 (3)
    • ►  September 2022 (2)
    • ►  August 2022 (1)
    • ►  July 2022 (2)
    • ►  June 2022 (1)
    • ►  May 2022 (3)
    • ►  April 2022 (1)
    • ►  March 2022 (3)
    • ►  February 2022 (3)
    • ►  January 2022 (2)
  • ►  2021 (33)
    • ►  December 2021 (4)
    • ►  November 2021 (2)
    • ►  October 2021 (5)
    • ►  September 2021 (2)
    • ►  August 2021 (4)
    • ►  July 2021 (1)
    • ►  June 2021 (5)
    • ►  May 2021 (1)
    • ►  April 2021 (3)
    • ►  March 2021 (2)
    • ►  February 2021 (1)
    • ►  January 2021 (3)
  • ►  2020 (28)
    • ►  December 2020 (4)
    • ►  November 2020 (3)
    • ►  October 2020 (1)
    • ►  September 2020 (1)
    • ►  August 2020 (2)
    • ►  July 2020 (3)
    • ►  June 2020 (3)
    • ►  May 2020 (4)
    • ►  April 2020 (3)
    • ►  March 2020 (2)
    • ►  February 2020 (2)
  • ►  2019 (19)
    • ►  December 2019 (3)
    • ►  November 2019 (1)
    • ►  October 2019 (1)
    • ►  August 2019 (1)
    • ►  July 2019 (3)
    • ►  June 2019 (2)
    • ►  May 2019 (2)
    • ►  April 2019 (1)
    • ►  March 2019 (2)
    • ►  February 2019 (2)
    • ►  January 2019 (1)
  • ►  2018 (25)
    • ►  December 2018 (2)
    • ►  November 2018 (1)
    • ►  October 2018 (5)
    • ►  September 2018 (1)
    • ►  August 2018 (3)
    • ►  July 2018 (1)
    • ►  June 2018 (3)
    • ►  May 2018 (1)
    • ►  April 2018 (1)
    • ►  March 2018 (2)
    • ►  February 2018 (3)
    • ►  January 2018 (2)
  • ►  2017 (20)
    • ►  December 2017 (2)
    • ►  November 2017 (3)
    • ►  October 2017 (2)
    • ►  September 2017 (2)
    • ►  August 2017 (1)
    • ►  July 2017 (1)
    • ►  June 2017 (1)
    • ►  May 2017 (3)
    • ►  April 2017 (1)
    • ►  March 2017 (1)
    • ►  February 2017 (2)
    • ►  January 2017 (1)
  • ►  2016 (18)
    • ►  December 2016 (2)
    • ►  November 2016 (3)
    • ►  October 2016 (1)
    • ►  September 2016 (1)
    • ►  August 2016 (1)
    • ►  July 2016 (2)
    • ►  June 2016 (3)
    • ►  May 2016 (1)
    • ►  April 2016 (1)
    • ►  March 2016 (1)
    • ►  February 2016 (1)
    • ►  January 2016 (1)
  • ►  2015 (20)
    • ►  December 2015 (3)
    • ►  November 2015 (1)
    • ►  October 2015 (2)
    • ►  September 2015 (1)
    • ►  August 2015 (1)
    • ►  July 2015 (2)
    • ►  June 2015 (1)
    • ►  May 2015 (1)
    • ►  April 2015 (3)
    • ►  March 2015 (1)
    • ►  February 2015 (3)
    • ►  January 2015 (1)
  • ►  2014 (22)
    • ►  December 2014 (3)
    • ►  November 2014 (2)
    • ►  October 2014 (2)
    • ►  September 2014 (1)
    • ►  August 2014 (3)
    • ►  July 2014 (2)
    • ►  June 2014 (1)
    • ►  May 2014 (1)
    • ►  April 2014 (1)
    • ►  March 2014 (1)
    • ►  February 2014 (2)
    • ►  January 2014 (3)
  • ►  2013 (16)
    • ►  December 2013 (2)
    • ►  November 2013 (1)
    • ►  October 2013 (2)
    • ►  September 2013 (1)
    • ►  August 2013 (1)
    • ►  July 2013 (1)
    • ►  June 2013 (1)
    • ►  May 2013 (2)
    • ►  April 2013 (1)
    • ►  March 2013 (1)
    • ►  February 2013 (1)
    • ►  January 2013 (2)
  • ►  2012 (16)
    • ►  December 2012 (2)
    • ►  November 2012 (1)
    • ►  October 2012 (1)
    • ►  September 2012 (1)
    • ►  August 2012 (1)
    • ►  July 2012 (1)
    • ►  June 2012 (2)
    • ►  May 2012 (1)
    • ►  April 2012 (1)
    • ►  March 2012 (2)
    • ►  February 2012 (1)
    • ►  January 2012 (2)
  • ►  2011 (26)
    • ►  December 2011 (3)
    • ►  November 2011 (2)
    • ►  October 2011 (1)
    • ►  September 2011 (1)
    • ►  August 2011 (1)
    • ►  July 2011 (3)
    • ►  June 2011 (5)
    • ►  May 2011 (1)
    • ►  April 2011 (2)
    • ►  March 2011 (2)
    • ►  February 2011 (1)
    • ►  January 2011 (4)
  • ►  2010 (29)
    • ►  December 2010 (2)
    • ►  November 2010 (2)
    • ►  October 2010 (2)
    • ►  September 2010 (4)
    • ►  August 2010 (6)
    • ►  July 2010 (2)
    • ►  June 2010 (1)
    • ►  May 2010 (2)
    • ►  April 2010 (3)
    • ►  March 2010 (1)
    • ►  February 2010 (2)
    • ►  January 2010 (2)
  • ▼  2009 (28)
    • ►  December 2009 (2)
    • ►  November 2009 (3)
    • ►  October 2009 (3)
    • ►  September 2009 (1)
    • ►  August 2009 (2)
    • ►  July 2009 (2)
    • ▼  June 2009 (4)
      • கவிஞர் இ.முருகையன் நினைவில்...!
      • ஆயிரம் பெரியார் வந்தாலும் உங்களை.....
      • புலிகளின் குரல் - "வரலாறு திரும்பும்"
      • உயிரோடு இருப்பதற்காக வெட்கப்படுகிறேன் - எஸ்.ராமகிர...
    • ►  May 2009 (3)
    • ►  April 2009 (2)
    • ►  March 2009 (2)
    • ►  February 2009 (1)
    • ►  January 2009 (3)
  • ►  2008 (30)
    • ►  December 2008 (4)
    • ►  November 2008 (3)
    • ►  October 2008 (2)
    • ►  September 2008 (3)
    • ►  August 2008 (1)
    • ►  July 2008 (2)
    • ►  June 2008 (3)
    • ►  May 2008 (2)
    • ►  April 2008 (3)
    • ►  March 2008 (1)
    • ►  February 2008 (1)
    • ►  January 2008 (5)
  • ►  2007 (53)
    • ►  December 2007 (1)
    • ►  November 2007 (3)
    • ►  October 2007 (2)
    • ►  September 2007 (14)
    • ►  August 2007 (16)
    • ►  July 2007 (2)
    • ►  June 2007 (2)
    • ►  May 2007 (1)
    • ►  April 2007 (4)
    • ►  March 2007 (2)
    • ►  February 2007 (4)
    • ►  January 2007 (2)
  • ►  2006 (35)
    • ►  December 2006 (3)
    • ►  November 2006 (1)
    • ►  October 2006 (3)
    • ►  September 2006 (3)
    • ►  August 2006 (1)
    • ►  July 2006 (13)
    • ►  June 2006 (1)
    • ►  May 2006 (3)
    • ►  April 2006 (1)
    • ►  March 2006 (2)
    • ►  February 2006 (2)
    • ►  January 2006 (2)
  • ►  2005 (4)
    • ►  December 2005 (4)

Followers

Powered by Blogger.

கண்காணிப்புக்குழு

eXTReMe Tracker

Popular Posts

  • மேளச்சமா...!
    "மச்சான்! பிள்ளையாரடி கொடியேறி விட்டுது" இப்படி குறுஞ்செய்தி ஒன்றை போன கிழமை அனுப்பியிருந்தான் என்ர கூட்டாளி. செவ்வாயோட செவ்வாய் எ...
  • "அண்ணை றைற்"
    கடந்த 2006 ஆம் ஆண்டு ஏப்ரலில் என் தாய்மண் போன போது, ஒரு சமயம் யாழ்ப்பாணம் பஸ் நிலையத்திற்குப் போகின்றேன். அரச மற்றும் தனியார் போக்குவரத்து ...
  • வலைப்பதிவில் ஒரு வருஷம்
    தமிழ் வலைப்பதிவுலகில் நானும் என் உள்ளக் கிடக்கைகளை எழுத வேண்டும் என்று நினைத்து எழுத ஆரம்பித்து இன்றோடு ஒரு வருஷம் ஓடி விட்டது. இன்பத் தமிழ்...
  • என் இனிய மாம்பழமே....!
    பரமசிவன் குடும்பத்தில் ஒரு ஞானப்பழம் குறித்த பிரச்சனை வந்தது மாதிரி எங்கள் வீட்டிலும் வந்தால் "ஞானப்பழத்தை நீங்களே வச்சுக்கொள்ளுங்கோ, எ...
  • கே.எஸ்.பாலச்சந்திரனின் "கரையைத் தேடும் கட்டுமரங்கள்"
    கே.எஸ்.பாலச்சந்திரன் அவர்கள் ஈழத்தின் தனி நடிப்புக் கலைஞராக ,வானொலி, தொலைக்காட்சிக் கலைஞராக,சினிமா நடிகராக ரசிகர் மனதில் நீங்கா இடம்பிடித்த ...
  • நான் உங்கள் ரசிகன்
    முந்தநாள் அதிகாலை மூண்டு மணி தாண்டியும் எனக்கு நித்திரை வரேல்லை. ஊர்ப்பிரச்சனைகள் பற்றின செய்திகள் ஒருபக்கம் கஷ்டப்படுத்திக் கொண்டிருக்க, இன...
  • திரையில் புகுந்த கதைகள்
    "திரையில் புகுந்த கதைகள்" என்ற வானொலிப்படைப்பை நான் வழங்கியபோது சேர்த்த சில விஷயங்களை இங்கே பகிர்கின்றேன்.மலையாள சினிமா உலகு போல்...
  • வலைப்பதிவில் என் மூன்று வருஷங்கள்
    இன்றோடு நான் வலைப்பதிவில் எழுத ஆரம்பித்து மூன்று ஆண்டுகள் நிறைவாகி விட்டது. கடந்த மூன்று வருஷங்களாக தொடர்ந்து மாதா மாதம் குறைந்தது இரண்டு பத...
  • வாடைக்காற்று
    செங்கை ஆழியானைத் தெரியுமா என்று ஈழத்து வாசகர்களிடம் கேட்டால் பலர் " வாடைக்காற்று எழுதினாரே, அவரா?" என்று கேட்குமளவுக்கு வாடைக்காற்...
  • கலாநிதி க.குணராசா வழங்கிய "சூளவம்சம் கூறும் இலங்கை வரலாறு
    செங்கை ஆழியான் என்ற புனைபெயரில் நாவல்களை, சிறுகதைகளைப் படைத்த கலாநிதி குணராசா அவர்கள் தன்னுடைய சொந்தப் பெயரில் மாணவருக்கான புவியியல், வரலாற்...

Social Icons

Featured Posts

 
Copyright (c) 2010 "மடத்துவாசல் பிள்ளையாரடி". Designed for Video Games
Download Christmas photos, Public Liability Insurance, Premium Themes