ஈழத்து மூத்த படைப்பாளி குப்பிழான் ஐ.சண்முகன் விடை பெற்றார்

எங்கள் ஈழத்துச் சமூகத்தின் முது பெரும் எழுத்தாளர் குப்பிழான் ஐ.சண்முகன் (குப்பிழான் ஐயாத்துரை சண்முகலிங்கம்) அவர்கள் இன்று நம்மை விட்டுப் பிரிந்த செய்தி அறிந்து பேரதிர்ச்சியும், கவலையும் கொள்கிறோம். 

ஆகஸ்ட் 1, 1946 ஆம் ஆண்டு ஈழத்தின் குப்பிழான், சுன்னாகம் என்ற ஊரில் பிறந்த இவர் தன் கல்வியை குப்பிழான் விக்னேஸ்வரா வித்தியாசாலை, புன்னாலைக்கட்டுவன் மெ.மி.ஆங்கிலப்பாடசாலை, தெல்லிப்பழை யூனியன் கல்லூரி ஆகியவற்றில் கற்று இலங்கைப் பல்கலைக்கழகப் பட்டதாரியாகவும் ஆளானார்.

உயர்தர வகுப்புகளில் பொருளியல், தமிழ் ஆகிய பாடங்களிலும், இடை நிலை வகுப்புகளில் சமூகக் கல்வி, சமய நெறி ஆகிய பாடங்களிலும் சேவையாற்றியவர்.

கலாபூஷணம் விருது, ஆளுநர் விருது, பேராதனைப் பல்கலைக் கழகத்தின் சங்கச் சான்றோன் விருது உள்ளிட்ட விருது அங்கீகாரங்களைக் கொண்டவர். இதுவரை ஐந்து சிறுகதைத் தொகுதிகளையும், பிரபஞ்ச சுருதி என்ற கவிதைத் தொகுதியையும், அறிமுகங்கள், விமர்சனங்கள், குறிப்புகள் என்ற பத்தி எழுத்து நூலையும் வெளியிட்டுள்ளார். (ஜீவநதி பெப்ரவரி 2019)

இவரது சாதாரணங்களும் அசாதாரணங்களும் சிறுகதைத் தொகுப்பில் இவர் குறித்து எழுத்தாளர் சிலரது குறிப்புகள் குப்பிழான் ஐ.சண்முகனின் எழுத்தின் வீச்சின் பரிமாணத்தைக் காட்டும் கோடுகளாக,

எழுத்தாளர் குந்தவை 

இளைஞர்களின் மன அவசங்கள், அவர்களால் வெளிப்படுத்தி உணர்த்திக் காட்ட முடியாத சோகங்கள், எதிர்பார்ப்புகள் இவற்றில் அவர்களிடையே எழும் நடைமுறைக்கு ஒத்துப்போகாத பிடிப்பற்ற தன்மை, இவற்றை அழகுணர்ச்சியுடன் சித்தரிக்கும்

கலைஞர்.

எழுத்தாளர் அ.யேசுராசா

இவரது பாத்திரங்கள் எழுத்தாளனின் எவ்வித தலையீடுமின்றி தங்களைத் தாங்களே இயக்க வைக்கின்றன.

கலையுலகின் நவீன திரைப்படங்களின் தாக்கத்தை சண்முகனின் பிற்பட்ட காலக் கதைகளில் காணலாம். 'பளிச்', பளிச்சென

சண்முகன் கதையை கடத்திச் செல்லும் பாணி அலாதியானது.

எழுத்தாளர் மு. புஸ்பராஜன்

சண்முகன் என்ற பெயர் குறிப்பிடப்படும் போதெல்லாம் இவரது அழகிய, அலாதியான அந்த நடை கூடவே எழுவதைத் தவிர்க்க முடியாது. இவர் கதைகளில் சங்கீதத்தின் இனிய ஓசை பல்வேறு விதங்களில் கேட்டுக் கொண்டிருக்கிறது.

எழுத்தாளர் அசோகமித்திரன்

இன்ப வேதனையின் இழையொன்று எல்லாக் கதைகளிலும் தென்படுகிறது.

குப்பிழான் ஐ.சண்முகன் பேட்டி (பேட்டி கண்டவர் வெற்றி துஷ்யந்தன்) 

ஜீவநதி பெப்ரவரி 2019 (பக்கம் 59)

 https://noolaham.net/project/718/71733/71733.pdf

ஈழத்து இலக்கிய உலகில் சிறுகதை, கவிதை, பத்தி எழுத்துகள் என்று பன்முகப்பட்ட தளத்தில் தன் எழுத்துகளைத் தொடர்ந்து வந்தவர்.

வீடியோஸ்பதி வழியாக குப்பிழான் ஐ.சண்முகன் குறித்த குறு அறிமுகப் பகிர்வு

https://www.youtube.com/watch?v=y6OEZUWsYjs

சிட்னியில் "செஞ்சொற் செல்வர்" கலாநிதி ஆறு. திருமுருகன் - அனுபவப் பகிர்வு

சிட்னியில் "செஞ்சொற் செல்வர்" கலாநிதி ஆறு. திருமுருகன்

தற்போது சிட்னி வருகை தந்திருக்கும் ஆறு.திருமுருகன் அவர்களால் ஈழத்தில் முன்னெடுக்கப்படுப்படும் அறப்பணிகளின் நீட்சியும், சவால்களும் அனுபவங்களுமாக நமது ATBC வானொலிக்கு வழங்கிய பேட்டியைக் கேட்கலாம்.

https://www.youtube.com/watch?v=zW0SGUZjbm0

இந்தப் பேட்டியின் வழியாக கோவிட் முடக்க காலத்தில் சந்தித்த புதிய சவால்கள், சிவபூமி என்று திருமூலரால் சிறப்பிக்கப்பட்ட ஈழத்தில் நிலவும் சைவ மதம் எதிர் நோக்கும் சவால்கள், நமது வரலாற்றை ஆவணப்படுத்தவும், காட்சிப்படுத்தவும் வேண்டிய தேவைகள் அதன் சார்பில் முன்னெடுக்கப்படும் செயற்பாடுகள் என்று பரந்து விரிந்த தளத்தில் தன் அனுபவங்களைப் பகிர்ந்து கொள்கின்றார்.

கானா பிரபா

21.04.2023

வரும் ஞாயிற்றுக்கிழமை ஏப்ரல் 23 ஆம் திகதி, சிட்னியில் நிகழும் இனிய மாலைப்பொழுது நிகழ்வின் வழியாக சிட்னி வாழ் அன்பர்களைச் சந்தித்துத் தன் அனுபவங்களையும் வழங்கவிருக்கிறார் எங்கள் "செஞ்சொற் செல்வர்" கலாநிதி ஆறு. திருமுருகன் அவர்கள்.

நினைவோ ஒரு பறவை ❤️📒

இணையப் பெருவெளியில் பாடலாசிரியர்களை ஆழ்ந்து நேசித்து அவர்தம் பாடல்வரிகளைக் கொண்டாடும் ரசிகர்கள் பலருண்டு. இவர்களில் ஒரு ஆச்சரியக்குறியாகத் தென்படுபவர் அன்புச் சகோதரன் ராவன் தர்ஷன். அவருடையவயதுக்கும், ரசனை எல்லைக்கும் பாடலாசிரியர் நா.முத்துக்குமார் தான் மிகநெருக்கமானவர்.

ஆனால் ராவனை ஒரு “வாலி தாசன்” என்று சொன்னால் மிகையில்லை. அவ்வளவுக்கு கவிஞர் வாலி ஐயா மீது ஆழ்ந்த நேசமும், அவரின் கவி வரிகளில்தீராக் காதலும் கொண்டவர்.

அதனால் தான் இந்த இளையவர் மீது பேராச்சரியம் விழுந்தது.

இத்தனைக்கும் தன் வாலியை மட்டுமே தூக்கித் தலையில் நிறுத்தாமல் எல்லாப்பாடலாசிரியர்களின் தனிச்சிறப்பையும் கொண்டாடி வருபவர். அதனால் தான்“நினைவோ ஒரு பறவை” என்ற இவரின் கன்னி முயற்சி, கவிதைத் தொகுப்புக்கும்கவிஞர் வைரமுத்துவும் விரும்பி வாழ்த்துரை கொடுத்திருக்கிறார்.

“நீங்கள் வாலியின் ரசிகர் என்பது எனக்குக் கூடுதல் அன்பைத் தருகிறது” என்றுசொல்லியிருக்கிறார்.

“குழந்தை மனநிலையே கவிதையும் ஆணிவேர். அந்த மன நிலையோடுஎழுதப்பட்ட உங்கள் கவிதைகளை நான் வெகுவாக ரசித்தேன். “ என்று தன்வாழ்த்துரையில் தட்டிக் கொடுக்கிறார் கவிஞர் வைரமுத்து.

“நினைவோ ஒரு பறவை

அந்தப் பறவையை நாம் நம் கால வேக அவசரங்களுக்காய் மனதுக்குள்ளேயேகூண்டு போட்டுப் பூட்டி வைத்திருக்கிறோம். இந்தப் புத்தகம் நமக்கு அந்தப்பரவையைப் பறக்க விட்டு நம் வாழ்க்கையை ஒரு மூன்றாம் மனிதனாய் நாமேபார்ப்பதற்கு அவகாசம் தரும்”

நீதுஜன் கொடுத்த அணிந்துரையோடு இந்தப் புத்தகத்தில் மூழ்கிக் கரை சேரும்போது அந்த வார்த்தைகளை மெய்ப்பிக்கின்றன ராவனின் எழுத்துகள்.

ஒவ்வொரு கவிதைத் தலைப்பின் கீழும் கவிஞர் வாலி அவர்களின் முத்தாய்ப்பாகஈரடி அமைய, அது தனது குருவை வணங்கிக் கவி படைப்பது போல அமைகின்றது. விதிவிலக்காய் திருநாவுக்கரசரிடமும், ஆங்காங்கே ஆங்கிலேயமெய்யியலார்களுடமும் “கூற்று” எடுக்கிறார்.

இந்தக் கவிதைக் கொத்தை வாசித்த போது ஆச்சரியமே மேலோங்கியது, மிகைப்படுத்தி நான் இதனைச் சொல்லவில்லை என்பதை இதேவாசிப்பனுவத்தைப் பெற்றவர்கள் உணர்வர். 

இந்த வயசில் என்ன பிறக்கும்? காதல் கவிதைகளாகக் கொட்டுவார்கள் அல்லவா?

அதுதான் இங்கில்லை.

சித்தார்த்தனும், யசோதரையும்,  

தெஸ்லாவும், எடிசனும், ஹிட்லரும், ஜென்னியும், குருஷேத்திரப் போரும், நேருவும், இந்திராவும், கிருஷ்ணதேவராயரும், அக்பருமென்று  இன்னும் பல, 

இதிகாச,புராண காலத்தோடும், தத்துவஞானிகள், மெய்யியலாளர்களோடும்கலந்துறவாடுகிறது கவிதைப் பாய்ச்சல். 

ஜெயகாந்தனும், ஹென்றியும் கூடப் பேசிக் கொள்கிறார்கள். 

ஒரே கவிதைக்குள் மாறி மாறி இவ்விதம் கீழைத்தேய, மேலைத்தேய சமூகப்பார்வைகள், தர்க்க வாதங்களை அடுக்குவது எனக்கெல்லாம் வாசிப்பில் புதுஅனுபவம்.

நிறைவில் ஒரு நீள் கவிதைப் பாசுரமாய் “பேரின்ப லகரி” யாக காதல் வாழ்த்துஅமைகின்றது. 

அங்கேயும் மாமூலாக இட்டுக் கட்டாத வர்ணனை வளம் கொட்டுகிறது.

ஈழத்துக் கவிதை உலகில் ஒரு நம்பிக்கை நட்சத்திரமாக மனதில் பதிகிறார்.

அகண்டதோர் விளையாட்டுலகில் எல்லாவற்றையும் அளைந்து பார்த்துச்சந்தோஷப்படும் ஒரு குழந்தையின் மன நிலையில் எழுதப்பட்டிருக்கும் கவிதைச்சித்திரங்கள் இவை.

“நினைவோ ஒரு பறவை”

ராவன் தர்ஷன் என்ற பறவையின் கட்டற்ற கவிதை உலாத்தல் அனுபவம்.

கானா பிரபா

13.04.2023